ثلاثة مراسيل

ثلاثة مراسيل

جتنــي على شاشـة الجــوال ثلاثة مراسـيل : : : بسبابها جفت عيني النــوم من ظلم الحروف

أول رسالة قالـــت احبـك وعشقـي اكبر دليل : : : والثانية أيام وليالي مضت متربع داخل الجوف

والثالثة اشتاق لك شوق وقلبـي منــك عليل : : : جلست بحيرة وفكري منشـغل فيه ومصـروف

رعـش جــوالي ورن وسمـعت صــوت جميــل : : : رديت وقالــت فـي عيونــي حزن ليتك تشوف

ليتـــك تشـيل هــم بداخـلي من عقبك ثقيل : : : ليتـك تسمــع نبضات صـدري وتضـم الكفــوف

قلت وش ذنبي أنا وش ذنبي يا لعين الكحيل : : : أنا ما عرفك ولا شفــت بحلـمي ملاك يطـوف

ومــن عرفـت الدنيا وأنا مــا عرفــــت التدلـيل : : : قالت أنا مــن عليـا الريـاض واسمـــي هنـوف

وشافتك عيني من أيام واشتعــل فيني فتيل : : : سألتها عن الجوال وقالـت تصدق هي صدوف

قلت أنا الصــدوف اللي تقوليــن ابد مستحيل : : : يا ما صدوف الاقدار قابلتني والغــرض معـروف

قــالت حــاولـت أوصـل لك ولكن وقتــنا بخيـل : : : قمت اتعبث بجوالي ولقيت رقمك المكشـوف

وكـان اتصـالي فيـك يــا حبيبــي فـي هـالليل : : : بعـــد مـا زاد الشــوق وصـــرت بك مشغــوف

قالت تبي الصـدق أنت لـروحي اليـوم عــديل : : : أنــت نــبـض قـلبـــي وهــو لك دوم ملهــوف

قالت احبك وأغليك وهـرجــي ما هوب تمثيل : : : اليـــوم وباكـر وليتـــك تشفـق لحبـي وتــروف

قلــت يـا بنــت الحـلال ليــلك معــــي طــويل : : : الحــب عنـــدكم لعـــبة وهذا شــي مألـــوف

يجـــي ويــروح وحضـــي بالحـب دايم يمـــيل : : : فيــني مـــن جــروح الحـب طعنـات بسيــوف

ما برى جرحي من عامي الأول بــاقي علـيل : : : كفــاني حــزن وآلام كـــفـاني كذب وحـــلوف

كفاني غدر وخـداع كفــاني حـب يهــد الحيل : : : خسرت أحباب وأحباب وعيني بصمت تشـوف

ماجد بن حسن